MANUEL PAIS FERNÁNDEZ

Estivemos en Outeiro, Taragoña, falando con José Manuel Pais Fernández:

1.- De que traballas?

Agora xa estou xubilado, pero cando traballaba fun labrador e mariñeiro.

2.- Quen che ensinou a facer os cestos? Cantos anos tiñas? Custouche moito aprender?

Pois, ensinoume meu pai cando tiña eu 15 anos. A verdade non me custou, foi fácil.

3.- É difícil facelos?

Non, como xa dixen antes é bastante fácil.

4.- Que ferramentas utilizas para facelos?

Normalmente non uso ningunha. Fágoos a man, pero cando a utilizo, uso un argadelo.

5.- Que tipo de cesto é o teu favorito?

Agora mesmo non sei o nome, pero é un que uso para recoller as colleitas.

6.- Necesítanse moitos vimbios para facer un cesto?

Home, eu polo menos non necesito moitos.

7.- Que fas cos vimbios ademais de cestos?

Úsoos para atar a viña.

8.- Algunha vez participaches nunha feira, exposición... na que houbera que traballar cara ao público?

Non, porque tampouco son un profesional.

9.- Vende os cestos que fabrica?

Non todos os que fago son para min.

10.- Cal é a mellor época para apañar os vimbios?

A mellor época é o inverno. Eu sempre os apaño en decembro, e o mellor mes.

11.- Algunha vez lle fixeches un cesto a un famoso?

Non, nunca llo fixen a ninguén famoso.

12.- Canto tempo tardas en facer un cesto dos máis pequenos? E dos máis grandes?

Un pequeno unhas 2 horas e un grande 3 horas máis ou menos.

13.- Qué é o que máis che gusta desta actividade?

Que me entreteño e o tempo pásame rápido.

Alba Vicente Muñiz

MANUEL SANTIAGO CASTAÑO

- Onde vive?

-En Carracido, nº 2, Cordeiro no concello de Valga.

-Cal é a súa profesión?

-Fun mariñeiro, agora xa estou xubilado

-Quen lle ensinou a facer cestos?

-Ensinoume meu pai cando eu tiña 6 anos. Para min foi fácil aprender.

-Que ferramentas se utilizan?

-Emprego un coitelo e un aparello que fixo meu pai (un argadelo?) nos anos cincuenta ou sesenta.

-Que tipo de cesto é o seu preferido?

-O cesto de aro.

-Necesítanse moitos vimbios para facer un cesto?

-Fan falla arredor de 60 vimbios.

-Que se pode facer cos vimbios ademais de cestos?

-Pódense facer canizos ou piteiras.

-Para que se usan?

-O canizo úsase para achandar a terra despois de labrar e a piteira emprégase para encerrar a galiña cando está choca.

-Algunha vez participou nunha feira, exposición... na que houbera que traballar cara ao público?

-Si, foi unha vez que visitei un colexio para amosar aos nenos como se facían os cestos.

-Vende os cestos que fabrica?

-Actualmente non, pero nos anos sesenta si vendía.

-Que época é a mellor para apañar os vimbios?

-No mes de novembro, o mes morto.

-Ensinoulle o traballo cos vimbio a algún rapaz?

-Si.

-Algunha vez fixo un cesto para algún famoso?

-Non.

-Canto tempo lle leva facer un cesto?

-O máis pequeno leva unha hora e media e o máis grande dúas e media.

-Que utilidades teñen os cestos que fai?

-Serven para as patacas, a herba, verdura, o millo, para apañar as uvas...

-Algunha vez fixo un cesto co que se quedara?

-Si.

-Que é o que máis lle gusta desta actividade?

-Pois pasar o tempo. É un "hobby".

-Que colocaría na entrada de Rianxo?

- Como mariñeiro que fun, algún monumento relacionado co mar.

Rosa Santiago Garrido

OS CESTEIROS

Nome e apelidos: Nuria Muñiz Ordóñez.

-Onde vive? 

-En Rianxo.

-Cal é a súa profesión:    

-Estudante da ESO.

-Quen lle ensinou a facer os cestos?

-A miña profesora que se chama Ánxela; pero meu pai e meu avó tamén saben.

-Con cantos anos aprendeu?

-Con trece anos.

-Custoulle moito aprender?

-Non, aprendín moi rápido.

-É moi difícil facelos?

-Ao contrario, é moi fácil.

-Que ferramentas se utilizan?

-Ningunha, faise todo coas mans.

-Que tipo de cesto é o seu preferido?

-Eu podo facer cestos redondos, cadrados, triangulares ou a forma que se me ocorra; pero o que prefiro é o redondo.

-Necesítanse moitos vimbios para facer un cesto?

-Non hai un número exacto, depende de con cantos comeces, do tamaño do cesto, da largura dos vimbios.

-Que se pode facer cos vimbios ademais de cestos?

-Non o sei.

-Para que se usan?

-Para gardar cousas ou levalas dun lado ao outro.

-Algunha vez participou nunha feira, exposición... na que houbera que traballar cara ao público?

-Non, nunca.

-Vende os cestos que fabrica?

-Non, os que fago son para min e para a miña familia.

-Que época é a mellor para apañar os vimbios?

-Non o sei porque os que eu uso son uns diferentes que compro.

-Ensinoulle a algún rapaz a facer cestos?

-Si, a meu irmán e a  miña curmá.

-Algunha vez fixo o cesto a un famoso?

-Non.

-Canto tempo lle leva facer o seu cesto máis pequeno?

-Entre 2 e 3 horas.

-Algunha vez fixo un cesto que lle gustara tanto que se quedara con el?

-Si.

-Que é o que máis lle gusta desta actividade?

-Que é entretida e a min sempre me gustaron os traballos manuais.

 Manuel Muñiz Fernández.

-Onde vive?

-En Asados.

-Cal é a súa profesión?

-Mariñeiro.

-Quen lle ensinou a facer cestos?

-Un compañeiro da aldea que os facía dende que era pequeño.

 -Con cantos anos aprendeu?

-Con 70 anos.

-Custoulle moito aprender?

-Non, aprendín rápido.  

-É moi difícil facelos?

-Pois a verdade e que ten a súa complicación.

-Que utensilios se utilizan?

-Ademais dos vimbios, un molde aínda que hai xente que os fai sen el.

-Que tipo de cesto é o seu preferido?

-O cesto que se emprega para a herba.

-Necesítanse moitos vimbios para facer un cesto?

-Bastantes, pero ademais depende do tamaño e grosor dos vimbios e do cesto.

-Que se pode facer cos vimbios ademais de cestos?

-Pódense facer os canizos para alisar a terra e tamén se poden utilizar para atar as viñas.

-Principalmente, para que se usan os cestos?

-Utilízanse principalmente para o transporte de alimentos.

-Algunha vez participou nunha feira, exposición… na que houbera que traballar cara ao público?

-Non.

-Vende os cestos que fábrica ou expórtaos fora de Galicia?

-Non, todos os cestos que fago son para a casa.

-Que época é a mellor para apañar os vimbios?

-A mellor época é a finais de decembro.

-Ensinoulle a algún rapaz a facer cestos?

-Si, á miña neta.

-Algunha vez fixo un cesto a unha persoa moi coñecida?

-Si, a un prestixioso cardiólogo.

-Canto tempo lle leva facer o cesto máis pequeno?

-O máis pequeno 8 horas porque tes que traballar moito os bordes.

-E o máis grande?

-Lévame 6 horas aproximadamente.

-Que utilidades teñen os cestos que habitualmente fai?

-Os pequenos para transportar os ovos, os pementos, as patacas, as cebolas, os tomates…

Os grandes para transportar a herba.

 -Algunha vez fixo un cesto que lle gustara tanto que se quedara con el?

-Si, moitas veces.

-Que é o que máis lle gusta de esta actividade?

-Que te atopas entretido.

-Que obxecto simbólico colocaría na entrada de Rianxo?

-A Rianxeira.

Fátima Ordóñez Muñiz