VISITA DE FERNANDO M. CIMADEVILA  

        O día 2 de abril, veu ó noso instituto Fernando M. Cimadevila. Tras chegar ó salón de actos, comezou a falar.

        - Díxonos que para facer o libro de O mundo secreto de Basilius Hoffman. O ladrón de soños comezou a escribir intentando redactar unha novela xuvenil, pero que, despois, mentres se desenrolada a novela, acabou escribindo unha de fantasía.

        - Contounos un pequeno resumo do libro. Mentres, íanos explicando algunhas cousas sobre el. Díxonos que se facía referencia a algunhas lendas exipcias, contounos porque había tantos gatos e a historia de Shambhala (A Atlántida para os de occidente).

        - Logo, fixéronlle unha pregunta sobre seu tío Carlos á que él respondeu facendo referencia á un libro de montaña que está escribindo, no que o protagonista se chama Carlos, como seu tío, quen aínda non o sabe.

        - Rematada esta pregunta, formulou el unha. Preguntou que personaxes nos gustaran máis e logo, fíxonos levantar a man para saber a quen lle gustaba cada personaxe.

- Contestando a unha pregunta, falounos sobre o Argestes.

- Logo desa pregunta, houbo algunhas máis:

·         PREGUNTA: Seguirá a historia de Iskiel?

·         RESPOSTA: Si, en todos os libros.

·         PREGUNTA: Por que son os debuxos da portada?

·         RESPOSTA: Son runas.

        Logo formuláronse unhas cantas preguntas máis, ás que el respondeu. Acabada a charla, ós que tiñamos o libro, pasamos a firmalo. Foron diversas as súas dedicatorias, mais todas xiraban ó redor dun mesmo tema: Un mundo secreto.

Alba Vicente Muñiz

FERNANDO M. CIMADEVILA

Na súa infancia encantáballe ler, gustáballe tamén a arqueoloxía, os libros de Miguel Allende, a mitoloxía e as lendas. Tan fan era dos libros que, antes de dedicarse á escritura tivo unha librería de cómics e libros fantásticos.  

Cando comezou a súa carreira de escritor, quería crear unha historia xuvenil (fantasía). Na actualidade, cre que é a moda realizar triloxías de libros, pero ás veces realízanse triloxías debido a que son tantas cousas que o autor que contar, que non collen todas nun só libro.

O primeiro libro de “As aventuras de Basilius Hoffman”, está baseado en lendas de diferentes lugares.

LENDA DE SEJMET

O deus exipcio do sol decidiu castigar aos humanos polo pouco culto outorgado aos deuses, polo cal decide enviar a Sejmet (deusa do poder destrutor do sol), a cal se converte nunha serpe xigante, arrasando pobos e campos de cultivo. Convertendo así o fermoso Exipto nun árido deserto.

Para desfacerse dela, os exipcios tinguiron o Nilo de vermello, cun derivado da cervexa, a malta. Como Sejmet era unha deusa realmente sanguinolenta, foi beber ao Nilo pensando que era sangue. Selmet emborrachouse, e avergoñada, volveuse a converter na deusa Bastet.

CIDADE PERDIDA DE SHAMBALA

É unha cidade perdida no Himalaia, como para nós (os occidentais) é a Atlántida.

A ATLÁNTIDA

A cidade da atlántida (segundo Platón) podía atoparse no Atlántico ou no Mediterráneo. Era un continente que afundira po un cataclismo, que as culturas antigas explican como obra dos deuses.

ANEL TOTENKOPFRING

Hitler colleu uns alpinistas e mandounos ao Himalaia en busca de Shambala. Pero nunca volveron. En expedicións posteriores, atopouse un anel pertencente a un dos exploradores (entre 1934-1940). No libro, Basilius pensa que os alpinistas puideron causar o desaloxo do lugar.

SEGUNDO LIBRO

Fernando realizou un segundo libro, xa publicado, no que os protagonistas terán severos problemas co somnium (o catalinador dos mundos). Ademais descubriranse moitos dos segredos de Gabriel.

Neste libro seguira a historia de Iskiel. Esta é unha metahistoria, é dicir, unha historia dentro doutra.

NOVO LIBRO

Ten pensado facer unha triloxía, e, nese último libro falará da xuventude de Basilius e centrarase en cada un dos personaxes.

PREGUNTAS

1.- Que significa o nome de Argestes?

Argestes é o nome dun dos deuses gregos do vento, concretamente do vento do sureste.

2.- Como definirías os soños?

Eu creo que se pode definir como un pensamento inconsciente que se forma na nosa mente.

3.- Por que elixiches o Yidaki e non outro instrumento?

Elixín o Yidaki (ou Dijeridoo) porque nas culturas indíxenas é un instrumento relixioso capaz de abrir o pensamento.

Segundo teño oído isto ocorre porque o Yidaki tócase soprando e respirando á vez, polo que non chega o aire suficiente ao cerebro e comezas a ver cousas.

4.- Por que na portada aparecen runas?

Porque as antigas culturas crñian que as runas (a escritura) tiña poderes.

5.- O Sol Invictus é real?

O Sol Invictus (sol vitorioso) é real. Celebrábano os romanos, pois antigamente os solsticios eran moi importantes.

6.- Por que elixiches a mazá dourada como símbolo de Avalon?

Porque a mazá dourada simboliza a sabiduría.

7.- Avalon existe de verdade?

Avalon (da historia Artúrica) era unha illa fóra das cobizas e dos homes impuros, na cal se garda a sabedoría. Eu imaxineime a Avalon na actualidade, e convertina nunha gran biblioteca.

8.- Que che fan sentir os libros?

Eu penso que cada vez que les un libro descobres cousas sobre ti mesmo. Os libros fanche pensar e reflexionar.

                                                                                  Aida Barros Ces