ANDREA MACEIRAS
O
pasado Xoves 19 de Marzo
os
alumnos de 1º de E.S.O. do IES Félix Muriel de Rianxo tivemos unha conferencia
con Andrea Maceiras autora de Volverás
Golfiño!. O primeiro que fixo, despois de saudarnos, foi
agradecer o noso esforzo para
realizar a banda deseñada sobre o libro. A verdade é que lle pareceu
interesante.
Logo contounos unha historia na que a protagonista era a Filla de Iris. Cóntase
que houbo moitos naufraxios na Costa da Morte. E diversas cousas máis
relacionadas co libro.
A continuación chegou a quenda das
preguntas. Houbo algunhas que creo que non deberían estar. Sen embargo, outras
eran interesantes, que deron como resultado: Que a escrita di moito da persoa;
que fixo esta historia con golfiños porque lle gustan; que lle levou tempo
escribir o libro, porque ademais de facelo había que buscar información; que
non está a favor das celebracións do estilo do Día do Pai e tamén que fixo
no último capítulo un resumo do que lle acontecía a Iris dende o comezo do
instituto para non facer segunda parte, pero segundo dixo ela, a segunda parte
xa nola contou co pequeno relato narrado.
Xa para rematar asinounos os libros e volvemos cara ás nosas clases.
Sergio Somoza Tubío
