DISTRITO DE PADRÓN

PARTIDO LIBERAL

Eduardo Gasset y Chinchilla Rafael Gasset y Chinchilla

José Ortega Munilla

Manuel Viturro Posse Carlos Pazos (car. Castelao)

Concello de Rianxo

Manuel Pérez José Cubeiro Don Pepito (José) Varela Abades

Concello de Padrón

Luis Piñeiro Legerén Tanis Pérez Artime

Concello de Rois

Eduardo Fernández Abelenda Joaquín Canabal

Redactores Buenas Noches

José Barreiro José Mª Varela Torrado José Romero

O Partido Liberal, no distrito de Padrón,nos primeiros anos do século XX, estaba presidido pola irmáns Eduardo e Rafael Gasset y Chinchilla. Eduardo Gasset, desde as súas residencias no Pazo das Xunqueiras na Pobra do Caramiñal e de Brandeso en Arzúa, será a persoa que dirixa o partido Liberal na provincia de A Coruña desde os seus cargos de Deputado (Betanzos, Padrón...) e Senador do Reino. Rafael Gasset,desde os seus cargos de ministro Agricultura e Ministro de Fomento (en diferentes etapas) en Madrid, será o gran impulsor da política de embalses para regadío, estradas e camiños de ferro secundarios. O seu cuñado José Ortega Munilla, pai do filósofo José Ortega y Gasset, era o deputado polo distrito de Padrón en 1912.

En Padrón, o representante dos liberais é o industrial do téxtil Carlos Varela Pazos. Luis Piñeiro Legerén, un caldense que veu taballar á notaría de Padrón despois dunha breve estancia na Arxentina, ocupará o cargo de Alcalde durante 14 anos(en dúas etapas), tendo como Tte. de Alcalde a Estanislao “Tanis” Pérez Artime (que sustituirá a Carlos Varela na dirección do partido á morte de este); Jesús Gómez, como secretario; e Enrique Otero, como recaudador.

En Rois, os representantes liberais serán o alcalde Manuel Grela Pazos, o médico municipal Eduardo Fernández Abelenda e Joaquín Canabal, que desempeñará os cargos de Secretario Municipal en Rois e Dodro, concello no que será alcalde Ramón Suárez"
En Rianxo, Manuel Viturro Posse, secretario de A Deputación de A Coruña nos últimos anos do século XIX e primeiro cuarto do XX, será a personaxe clave. O “Pazo de Rianxiño” será o símbolo do poder durante moitos anos. O alcalde Manuel Pérez García; o secretario municipal, José Cubeiro; os conselleiros José Losada, Francisco Otero e o médico municipal i exalcalde Pepito Varela levarán a cabo as directrices do partido liberal desde o Concello.

“Buenas Noches”, entre o 17 de xuño de 1911 e o 28 de setembro de 1914, a través dos 124 números publicados será o órgano de propaganda dos liberais do distrito padronés. A súa redacción estará formada por Xosé Barreiro Fernández, secretario suplente do xulgado de Rianxo; Xosé María Torrado, funcionario municipal que deixou o traballo no Concello durante o tempo que foi alcalde Mariano Rodríguez Dios; e Xosé Romero Ríal, señor do “Pazo dos Calote” do Araño, que será “Xuiz Municipal” en diversas etapas.